ملنيل ع الآخر

وصفة: أنسام

المكونات: 

فرخة بلدي 

ربع كيلو كبد وقوانص 

كوب أرز بلدي 

سمن وزيت 

بصلتين كبار

بهارات: (فلفل اسود وملح، مستكه وحبهان، لورا وجوزة الطيب، عود قرفة).

طريقة التحضير:

نغسل الفرخة كويس بالليمون والملح وننقعها في الميه لمدة ربع ساعة؛ 

نفرم البصل ونضيف له التوابل السابق ذكرها ونص ملعقة ملح ونقسمها نصفين؛ 

نتبل الفراخ بنص التوابل ونسيبها لفترة؛

نقطع الكبد والقوانص صغير ونشوحهم بملعقة سمن وملعقة زيت ونسويهم بكوب من الماء، ونحط عليهم جزء من البصل؛

نضيف كوب الأرز عليهم بعد غسله، ونضيف من نفس التوابل عليها ونصف كوب ماء، ونسويها نصف تسوية ونسيبها تبرد؛

نحشي الفرخة من الجناب بين الجلد واللحم ومن فوق عند الرقبة برضه؛

نحط ميه في حلة متوسطة ومعها نفس التوابل وبصلة صغيرة وعود القرفة ونسويهم علي نار هادية لمدة نص ساعة مع التقليب المستمر لحد ما تستوي؛

نصفي الفرخة من الماء وندهنها بطبقة سمن خفيفة، وندخلها الفرن لمدة ساعة في فرن متوسط الحرارة، ١٩٠ درجة؛ 

نخرجها من الفرن ونسيبها تهدأ ٥ دقائق.. وبالهنا والشفا.

مدة التجهيز: ساعة تقريبا.

مدة التسوية: ساعة.

*ممكن نقدمها مع ملوخية أو كشك وسلطات زي سلطة خضراء أو سلطة زبادي بالخيار.